Lionel Messi va Maurisio Pochettino o‘rtasidagi munosabatlar yaxshi emas.
L’Équipe nashrining yozishicha, Messi Pochettinoga muxlislik qilmaydi. Hujumchi va "PSJ" murabbiyi bitta to‘lqinda emas va Leo keyingi mavsumda jamoani kim boshqarishini kutmoqda. Messi yangi murabbiyning kelishi uning klubdagi roliga ta’sir qiladimi yoki yo‘qligini bilmoqchi.
Leo "Barselona"dan tashqarida ham muvaffaqiyatga erisha olishini isbotlamoqchi va buning uchun Pochettinoning klubdan ketishi zarur deb hisoblamoqda. Messi kelasi mavsumda Chempionlar ligasida g‘alaba qozonish uchun hamma narsani qilishga tayyor.
34 yoshli forvard joriy mavsumda “PSJ” safida barcha turnirlar doirasida 33 o‘yinda 11 ta gol urdi va 13 ta golli uzatmani amalga oshirdi.
