“Reynjers” yarim himoyachisi Rayan Jek Yevropa ligasi finalida Germaniyaning “Ayntraxt” klubiga qarshi o‘yindagi mag‘lubiyatdan so‘ng hafsalasi pir bo‘lganini yashirmadi.
Jekning so‘zlariga ko‘ra, bu tarzda mag‘lub bo‘lish juda og‘riqli, ammo buni sharaf bilan qabul qilish kerak, chunki bu o‘yinning bir qismidir. Yarim himoyachi Shotlandiya jamoasi futbolchilari bu omadsizlikni unutib, bor e’tiborni Shotlandiya kubogi finaliga qaratishlari va faqat oldinga qadam tashlashda davom etishlari kerakligini ta’kidladi.
Eslatib o‘tamiz, Jovanni van Bronkhorst boshchiligidagi “Reynjers” Evropa ligasi finalida “Ayntraxt” jamoasiga penaltilar seriyasida mag‘lub bo‘ldi.
