Kataloniyaning “Barselona” klubini tark etishga yaqin turgan Usmon Dembele Germaniya chempionatida ishtirok etishi dargumon. Oldinroq futbolchiga Myunxenning "Bavariya" klubi qiziqish bildirayotgani haqida xabarlar tarqalgan edi.
Biroq, Kicker nashrining yozishicha, nemis grandlari fransiyalik futbolchini qo‘lga kiritishga hojati yo‘q deb hisoblamoqda, chunki hujum qanotlari yaxshi shakllangan. Bundesliga chempioni Serj Gnabridan ayrilgan taqdirda ham Dembeleni o‘z safiga qo‘shib olishga harakat qilmaydi.
Shu tariqa, Usmonning yagona transfer varianti bu qishdan buyon u bilan muzokara olib borayotgan «PSJ» bo‘lib turibdi. Shuningdek, futbolchi "Barselona"da qolishi mumkin, chunki, kataloniyaliklar shartnomani uzaytirishga qarshi emas.
