"Barselona" hujumchisi Obameyang Gabon terma jamoasidagi faoliyatini tugatganini e’lon qilgan edi. Hujumchi bu haqida shunday deydi:
"13 yillik terma jamoadagi faoliyatimni yakunlashimni e’lon qilaman. Bugun Gabon xalqiga meni yaxshi va yomon kunlarimni qo‘llab-quvvatlagani uchun chin yurakdan minnatdorchilik bildirmoqchiman. Menda bu davr mobaynida faqat yaxshi xotiralar qoldi. Barcha-barchaga yana bir bor tashakkur".
Obameyang dastlab Fransiya terma jamoasida yoshlar tarkibida, keyinchalik esa Gabon termasida faoliyat yuritgan edi.
