"Yuventus" hujumchi Federiko Bernardeski bilan shartnomani uzaytirmaydi, deya xabar beradi jurnalist Janluka Di Marsio.

Manba bergan xabarga ko‘ra, tomonlar 28 yoshli italiyalik futbolchi yozda Turin klubini tekinga tark etishi borasida kelishib olgan.

Bernardeski "byankonerilar" tarkibida 2017 yilning iyulidan beri to‘p tepadi. 2021/22 yilgi mavsumda hujumchi jamoasi safida 35 ta o‘yinda maydonga tushib, 2 ta gol urdi va 6 ta golli uzatmani amalga oshirdi.

Uning shartnomasi 2022 yilning iyun oyi oxirigacha amal qiladi.