Hujumchi Antuan Grizmann keyingi mavsumda “Atletiko”da qolishi mumkin. Yaqinda forvard klub sayti uchun fotosessiyada ishtirok etdi.

Oldinroq madridliklar hujumchining o‘yinidan hafsalasi pir bo‘lgani va uning transferini "Barselona"dan sotib olishni istamayotgani haqida ma’lumotlar paydo bo‘lgandi, ammo Madrid klubi prezidenti Enrike Sereso Grizmann jamoada qolishini aytdi.

Biroq, 2019 yilda futbolchining transferi uchun “Barselona”ning o‘zi 100 million yevro sarflaganini inobatga olsak, Kataloniya klubi futbolchini Madridga qanday sharoitda qo‘yib yuborishga tayyor degan savol ochiqligicha qolmoqda.

Grizmann joriy mavsumda La Ligada 28 ta o‘yinda maydonga tushib, 3 ta gol urdi va 3 ta golga assistentlik qildi.