Ҳужумчи Антуан Гризманн кейинги мавсумда “Атлетико”да қолиши мумкин. Яқинда форвард клуб сайти учун фотосессияда иштирок этди.
Олдинроқ мадридликлар ҳужумчининг ўйинидан ҳафсаласи пир бўлгани ва унинг трансферини "Барселона"дан сотиб олишни истамаётгани ҳақида маълумотлар пайдо бўлганди, аммо Мадрид клуби президенти Энрике Сересо Гризманн жамоада қолишини айтди.
Бироқ, 2019 йилда футболчининг трансфери учун “Барселона”нинг ўзи 100 миллион евро сарфлаганини инобатга олсак, Каталония клуби футболчини Мадридга қандай шароитда қўйиб юборишга тайёр деган савол очиқлигича қолмоқда.
Гризманн жорий мавсумда Ла Лигада 28 та ўйинда майдонга тушиб, 3 та гол урди ва 3 та голга ассистентлик қилди.
