"Barselona" hujumchisi Lyuk de Yong faoliyatini davom ettirish uchun yangi joy topgan ko‘rinadi.
De Yong hozirda "Sevilya"dan ijara asosida "Barselona"da o‘ynamoqda. Xavi Kataloniya klubiga bosh murabbiy bo‘lganidan keyin de Yong asosiy tarkibda tez-tez maydonga tushmadi.
Qolaversa, hujumchining “Sevilya” bilan shartnomasi 2023 yilda tugaydi va yozgi transferlar oynasi klub uchun hujumchini sotishdan unumli foydalanish uchun so‘nggi imkoniyat bo‘lishi mumkin. Mundo Deportivo xabariga ko‘ra, futbolchining xizmatlariga PSV klubi qiziqmoqda.
Joriy mavsumda futbolchi La Ligada 21 ta o‘yin o‘tkazib, 6 ta gol urishga erishdi.