"Барселона" ҳужумчиси Люк де Йонг фаолиятини давом эттириш учун янги жой топган кўринади.
Де Йонг ҳозирда "Севилья"дан ижара асосида "Барселона"да ўйнамоқда. Хави Каталония клубига бош мураббий бўлганидан кейин де Йонг асосий таркибда тез-тез майдонга тушмади.
Қолаверса, ҳужумчининг “Севилья” билан шартномаси 2023 йилда тугайди ва ёзги трансферлар ойнаси клуб учун ҳужумчини сотишдан унумли фойдаланиш учун сўнгги имконият бўлиши мумкин. Mundo Deportivo хабарига кўра, футболчининг хизматларига ПСВ клуби қизиқмоқда.
Жорий мавсумда футболчи Ла Лигада 21 та ўйин ўтказиб, 6 та гол уришга эришди.
