"Inter" himoyachisi Milan Shkrinyar uchta ingliz jamoasi qiziqishlari doirasida bo‘lib turibdi. Gap "Chelsi", "Manchester Yunayted" va "Tottenxem" haqida ketmoqda. Bu haqda La Gazette Dello Sport xabar bermoqda.
Xabar qilinishicha, ular slovakiyalik futbolchini yozgi transfer oynasida o‘z saflariga qo‘shib olishga harakat qilishadi.
27 yoshli Shkrinyar 2017 yildan buyon "Inter" sharafini himoya qilib kelmoqda. Joriy mavsumda himoyachi barcha musobaqalarda 47 ta o‘yinda maydonga tushib, 4 ta gol muallifiga aylandi.
