“Roma” hujumchisi Temmi Abraxam A Seriyaning 38-turida “Torino” ustidan qozonilgan g‘alabadan so‘ng, (3:0) “Feyenoord” bilan Konferensiya ligasi finalida bo‘lib o‘tadigan uchrashuv haqida fikr bildirdi.
"Albatta, xet-trik qayd etishni istagandim, lekin eng muhimi biz g‘alaba qozondik. Bu uzoq va og‘ir mavsum bo‘ldi. Barcha jamoadoshlarimga rahmat, biz yaxshi ishlarni amalga oshirdik. Oldinda biz intiqlik bilan kutayotgan final bor va barchamiz hayajondamiz. Har doim aytganimdek, birinchi kundanoq bu klubga mehr qo‘yganman va gollarim hamda golli uzatmalarim bilan jamoaga imkon qadar yordam berishga harakat qilaman. Bu men uchun omadli yil bo‘ldi, bu muvaffaqiyatni mustahkamlashga umid qilaman. Umid qilamanki, biz mavsumni sovrin bilan yakunlay olamiz va keyin bu ajoyib yil bo‘ladi. Premyer-ligaga qaytish? Men bu klubni yaxshi ko‘raman. Bu yerda menga o‘zimni ko‘rsatish imkoniyati berildi. Ko‘ramiz, bizni kelajak nima kutmoqda, ammo mening yuragim "Roma"ga tegishli" - dedi Abraxam DAZN bilan suhbatda.
