“Рома” ҳужумчиси Тэмми Абрахам А Сериянинг 38-турида “Торино” устидан қозонилган ғалабадан сўнг, (3:0) “Фейеноорд” билан Конференция лигаси финалида бўлиб ўтадиган учрашув ҳақида фикр билдирди.

"Албатта, хет-трик қайд этишни истагандим, лекин энг муҳими биз ғалаба қозондик. Бу узоқ ва оғир мавсум бўлди. Барча жамоадошларимга раҳмат, биз яхши ишларни амалга оширдик. Олдинда биз интиқлик билан кутаётган финал бор ва барчамиз ҳаяжондамиз. Ҳар доим айтганимдек, биринчи кунданоқ бу клубга меҳр қўйганман ва голларим ҳамда голли узатмаларим билан жамоага имкон қадар ёрдам беришга ҳаракат қиламан. Бу мен учун омадли йил бўлди, бу муваффақиятни мустаҳкамлашга умид қиламан. Умид қиламанки, биз мавсумни соврин билан якунлай оламиз ва кейин бу ажойиб йил бўлади. Премьер-лигага қайтиш? Мен бу клубни яхши кўраман. Бу ерда менга ўзимни кўрсатиш имконияти берилди. Кўрамиз, бизни келажак нима кутмоқда, аммо менинг юрагим "Рома"га тегишли" - деди Абрахам DAZN билан суҳбатда.