“Torino”ning argentinalik tajribali himoyachisi Kristian Ansaldi turinliklar safini tark etishini ma’lum qildi.

35 yoshli argentinalik futbolchi o‘zining ijtimoiy tarmoqlarida Turin klubi muxlislariga murojaat qilib, ularga sevgi va qo‘llab-quvvatlash uchun minnatdorchilik bildirdi. Ansaldi "Buqalar" muxlislari uni jamoadagi ilk kunidanoq qo‘llab-quvvatlashganini ta’kidladi. Himoyachining qo‘shimcha qilishicha, uning yuragi abadiy "Torino" bilan qoladi.

Eslatib o‘tamiz, Ansaldi 2017 yildan beri "Torino" sharafini himoya qilib kelmoqda. Joriy mavsumda tajribali argentinalik Italiya chempionatida 19 ta o‘yin o‘tkazib, 3 ta golli uzatmani amalga oshirdi.