“Торино”нинг аргентиналик тажрибали ҳимоячиси Кристиан Ансальди туринликлар сафини тарк этишини маълум қилди.
35 ёшли аргентиналик футболчи ўзининг ижтимоий тармоқларида Турин клуби мухлисларига мурожаат қилиб, уларга севги ва қўллаб-қувватлаш учун миннатдорчилик билдирди. Ансальди "Буқалар" мухлислари уни жамоадаги илк куниданоқ қўллаб-қувватлашганини таъкидлади. Ҳимоячининг қўшимча қилишича, унинг юраги абадий "Торино" билан қолади.
Эслатиб ўтамиз, Ансальди 2017 йилдан бери "Торино" шарафини ҳимоя қилиб келмоқда. Жорий мавсумда тажрибали аргентиналик Италия чемпионатида 19 та ўйин ўтказиб, 3 та голли узатмани амалга оширди.