Madridning “Real” klubi bosh murabbiyi Karlo Anchelotti mavsum yakunida Isko jamoani tark etishini tasdiqladi.
"Iskoning "Real"dagi faoliyati yakunlandi va bu ajoyib karyera bo‘ldi", - dedi Anchelotti "Betis"ga qarshi o‘yindan so‘ng.
Eslatib o‘tamiz, Isko "Real"ga 2013 yil iyul oyida kelib qo‘shilgan edi. Futbolchi 2021/22 yilgi mavsumda jamoa safida 17 ta o‘yinda maydonga tushib, 2 ta gol urgan.
30 yoshli ispaniyalikning "Real" bilan shartnomasi 2022 yilning iyun oyi oxirigacha amal qiladi.