“Milan” markaziy himoyachisi Fikayo Tomori “rossoneri”ning Italiya chempionatidagi g‘alabasidan so‘ng o‘z his-tuyg‘ulari bilan o‘rtoqlashdi. Angliyalik futbolchi bu kubok kelajakda klub bilan qo‘lga kiritadigan boshqa ko‘plab unvonlarning boshlanishi bo‘lishiga umid bildirdi.
“Hozir qanday o‘zimni qanday his qilayotganimni tasvirlash qiyin. Men ichimda ko‘p his-tuyg‘ularni boshdan kechiraman. Biz chempionlikni qo‘lga kiritish uchun ko‘p mehnat qildik va bunga erishdik. Bu mening "Milan" bilan birinchi sovrinim. Umid qilamanki, bu hali boshlanishi”, - dedi Tomori klub rasmiy saytiga bergan intervyusida.
Eslatib o‘tamiz, yozda Tomori Londonning "Chelsi"sidan "Milan"ga to‘liq transferini rasmiylashtirgan edi.
