“Милан” марказий ҳимоячиси Фикайо Томори “россонери”нинг Италия чемпионатидаги ғалабасидан сўнг ўз ҳис-туйғулари билан ўртоқлашди. Англиялик футболчи бу кубок келажакда клуб билан қўлга киритадиган бошқа кўплаб унвонларнинг бошланиши бўлишига умид билдирди.

“Ҳозир қандай ўзимни қандай ҳис қилаётганимни тасвирлаш қийин. Мен ичимда кўп ҳис-туйғуларни бошдан кечираман. Биз чемпионликни қўлга киритиш учун кўп меҳнат қилдик ва бунга эришдик. Бу менинг "Милан" билан биринчи совриним. Умид қиламанки, бу ҳали бошланиши”, - деди Томори клуб расмий сайтига берган интервьюсида.

Эслатиб ўтамиз, ёзда Томори Лондоннинг "Челси"сидан "Милан"га тўлиқ трансферини расмийлаштирган эди.