Madridning “Real” klubi himoyachisi Marselo keyingi mavsumda ham jamoada qolish istagi borligini yana bir bor e’lon qildi. Eslatib o‘tamiz, braziliyalikning "qaymoqranglilar" bilan shartnomasi iyun oyida yakuniga yetadi.
“Men “Real”da qolmoqchiman, bu mening fikrim. Men bu yerda o‘ynashni davom ettirmoqchiman va buni allaqachon 50 000 marta aytganman. "Liverpul" bilan Chempionlar ligasi finalidan keyin klub rahbariyati bilan gaplashamiz", - deya braziliyalikning so‘zlaridan iqtibos keltiradi Madrid Xtra.
Eslatib o‘tamiz, Marselodan tashqari ushbu mavsumda jamoaning asosiy o‘yinchilaridan biri bo‘lgan va Chempionlar ligasi finaliga chiqishiga yordam bergan yarim himoyachi Luka Modrich bilan ham shartnoma shu yozda yakuniga yetadi.
