Мадриднинг “Реал” клуби ҳимоячиси Марсело кейинги мавсумда ҳам жамоада қолиш истаги борлигини яна бир бор эълон қилди. Эслатиб ўтамиз, бразилияликнинг "қаймоқранглилар" билан шартномаси июнь ойида якунига етади.
“Мен “Реал”да қолмоқчиман, бу менинг фикрим. Мен бу ерда ўйнашни давом эттирмоқчиман ва буни аллақачон 50 000 марта айтганман. "Ливерпуль" билан Чемпионлар лигаси финалидан кейин клуб раҳбарияти билан гаплашамиз", - дея бразилияликнинг сўзларидан иқтибос келтиради Мадрид Хтра.
Эслатиб ўтамиз, Марселодан ташқари ушбу мавсумда жамоанинг асосий ўйинчиларидан бири бўлган ва Чемпионлар лигаси финалига чиқишига ёрдам берган ярим ҳимоячи Лука Модрич билан ҳам шартнома шу ёзда якунига етади.
