«Manchester Yunayted» o‘yinchilari joriy mavsumda ikkita guruhga ajralib qolishdi. Bosh murabbiy Ralf Rangnik tomonidan matbuot anjumanida aytilgan fikr "MYU"ning ba’zi futbolchilarini g‘azabga keltirdi. Shu bois, o‘yinchilar o‘rtasidagi bosim ortib bordi.

Rangnikning Krishtianu Ronaldu, Xarri Maguayr, Markus Reshford va Edinson Kavani haqidagi fikrlaridan so‘ng ushbu muammo chuqurlashib bordi.

«Britaniyalik futbolchilar, odatdagidek, hamjihat bo‘lishdi. Ammo ko‘pgina xorijlik futbolchilar Ronalduga ko‘proq e’tibor qaratishdi. Klub futbolchilarining ba’zilari Maguayrning sardorlik vazifasidan norozi ekani haqida maqolalar chiqqach, jamoada tushkunlik boshlandi», – deyiladi ESPN manbasi tarqatgan xabarda.

Shuningdek, ESPN tarqatgan xabarga ko‘ra, Yevropa chempionlar ligasi nimchorak final bosqichi doirasida «Atletiko»ga qarshi bo‘lib o‘tgan javob uchrashuvi oldidan ikkita guruh futbolchilari o‘rtasida janjal kelib chiqqan. Bundan tashqari, futbolchilar 3 nafar o‘yinchi klub ichidagi ma’lumotni tashqariga chiqarayotgani borasida shubhaga borishgan.

Aprel oyida «Liverpul»ga qarshi bo‘lib o‘tgan o‘yindan so‘ng klub ichidagi bosim oshib ketgan. Bunda esa Rangnik — aybdor. Murabbiy 3 himoyachi bilan o‘ynashga qaror qilib, 3 oydan buyon maydonga tushmayotgan Fil Jonsni boshlang‘ich tarkibga kiritib, tanaffusda uni zaxiraga olgani sabab bo‘lgan.

«Rangnik «Enfild»da Fila Jonsni nochor ahvolda qoldirdi. Murabbiy futbolchining 3 oy futbol o‘ynaganini inobatga olmasdan uni "alanga" o‘rtasiga tashladi. Xarri Maguayr ham «Enfild»da yomon o‘yin ko‘rsatdi. Ammo mutaxassis Maguayrni zaxiraga olishga jazm eta olmasdan, shunchaki Jonsni almashtirdi», – deya yozadi ESPN.