UYEFA prezidenti Aleksander Cheferin hujumchi Kilian Mbappening "PSJ" bilan shartnomasini 2025 yilgacha uzaytirgani haqidagi xabarga munosabat bildirdi.
Sloveniyalik funksionerning ta’kidlashicha, "Real" UYEFAga moliyaviy feyr-pley qoidalarini buzganlik uchun hech qanday klubga nisbatan ish boshlashni buyura olmaydi.
«Na "Real", na boshqa hech kim bizga moliyaviy feyr-pley qoidalarini buzganlik uchun biror klubga qarshi ish boshlashni buyura olmaydi. "Real" g‘azabda, ammo bilishimcha, ularning taklifi "PSJ"niki bilan bir xil edi", - dedi UYEFA prezidenti.