Biz Jozening asr boshidan “Roma” bilan Konferensiyalar ligasidagi g‘alabasiga qadar bosib o‘tgan yo‘lini eslaymiz.

Joze Mourinyo besh yildan beri sovrin yutmagan, bu o‘z faoliyatidagi g‘alabasiz birinchi uzoq muddatdir. Oxirgi marta u 2016/2017 yilgi mavsumda "Manchester Yunayted" bilan uchta sovrinni qo‘lga kiritdi: Liga kubogi, Angliya Superkubogi va Yevropa ligasi. O‘shandan beri u butunlay muvaffaqiyatsiz bo‘ldi. Lekin kecha Konferensiyalar ligasi finalida "Roma" "Feyenoord"ni 1:0 hisobida mag‘lub etdi.

Bu unga qattiq ta’sir qildi: bir paytlar ko‘p g‘alabalardan unga xos bo‘lgan takabburlik Konferensiyalar ligasi finalida ishtirok etish quvonchiga almashtirildi.

Keling, Mourinyo qanday o‘zgarganini uning iqtiboslari orqali ko‘rib chiqamiz.

2004 yil: “Klubda eng yaxshi futbolchilar bor. Kichkina takabburlikni kechiring, lekin bizda ham top murabbiy bor. Faqat iltimos, meni takabbur demang. Men Yevropa chempioniman. Men o‘zimni alohidaman deb o‘ylayman (The Special One).

2005 yil: "Xudo va undan keyin men turaman".

2008 yil: "Men dunyodagi eng zo‘r emasman, lekin menimcha, dunyoda mendan yaxshiroq hech kim yo‘q".

2012 yil: "Menga qanchalik yaxshi munosabatda bo‘lishingiz muhim emas, lekin men uchta yirik chempionlikni qo‘lga kiritgan yagona odamman. Ehtimol, meni maxsus deb atash kerak emas, lekin yagonaman.

2013 yil: "Menda yana 15-20 yil bor va bu vaqt ichida men Chempionlar ligasida g‘alaba qozonaman".

2014 yil: "Menda muammo bor, ya’ni men ishim bilan bog‘liq bo‘lgan hamma narsada yaxshiroq va yaxshiroq bo‘lib boryapman".

2018: “Sizningcha, men chetda masxarabozdek harakat qilishni to‘xtatganim uchun o‘yinga bo‘lgan ishtiyoqimni yo‘qotdimmi? Men o‘zimni kattalardek tutishni afzal ko‘raman, bu mening jamoam uchun ham, men uchun ham yaxshi. Menimcha, maydonda aqldan ozgan odamdek harakat qilishning keragi yo‘q”.

2019: “Men kamtarman. Men butun faoliyatimni ko‘rib chiqdim. Nafaqat o‘tgan yil, balki barcha yillardagi faoliyatim evolyusiyasini. Hech kimni ayblamasdan hamma narsani tahlil qiladigan darajada kamtar edim. Men o‘z xayollarimga chuqur kirib bordim va keraksiz maslahatlar bermayman, lekin shuni aytamanki, shaxsan men hamma narsani o‘ylab, pauza qilish uchun bir oz vaqt sarflashni juda foydali deb topdim”.

2020: “Endi o‘zimni nima deb atagan bo‘lardim? Tajribali. Men juda tajribaliman. Aslida, hozir futbolda men bilan sodir bo‘layotgan hamma narsa dejavyu. Men buni avval ham ko‘rganman”.

Mana, taqdirning asl qiyofasi: bir paytlar u o‘zini Xudodan keyingi o‘ringa qo‘ygan, endi u UEFA Yevropa Ligasida ham qatnasha olmaydigan jamoalar uchun yaratilgan uchinchi eng kuchli yevrokubok finalidagi g‘alabdan quvonib yuribdi. Lekin u bunga ahamiyat bermayotganga o‘xshaydi. Endi esa, g‘alabadan so‘ng u o‘zini yana “The Special One” deb atashi mumkin. Mourinyo Yevropa kuboklarining barcha sovrinlarini qo‘lga kiritgan birinchi murabbiyga aylandi: Chempionlar ligasi, Yevropa ligasi va Konferensiya ligasi.