UYEFA prezidenti Aleksandr Cheferin Ukrainadagi vaziyat tufayli yevrokuboklardan chetlashtirilgan Rossiya klublari haqida gapirdi.
Cheferinning aytishicha, hech kim bunday mojaro sodir bo‘lishini tasavvur ham qila olmagan, shuning uchun bundan keyin nima bo‘lishini hozircha oldindan aytish juda qiyin. UYEFA prezidenti Rossiya klublarining yevrokuboklarda yana o‘ynay olishiga ishonchi komil emasligini ta’kidladi. Sloveniyalik mutaxassis Rossiya-Ukraina mojarosidan ko‘rilgan zararni his qilayotgan sportchilardan haligacha juda afsusda ekanligini qo‘shimcha qildi.
Eslatib o‘tamiz, UYEFA rahbarlari Ukrainadagi vaziyat tufayli Rossiya klublari va jamoalarini xalqaro o‘yinlardan chetlashtirishga qaror qilgan edi.