Jurnalist Marko Konterio o‘zining ijtimoiy tarmoqlardagi sahifasida xabar berishicha, "Arsenal" "Yuventus" yarim himoyachisi Arturga qiziqish bildirmoqda.

Manbaga ko‘ra, “kanonirlar” rahbariyati braziliyalik uchun 40 million yevro to‘lamoqchi emas, shu bois Italiya klubiga ganalik yarim himoyachi Tomas Parti xizmatlarini taklif qilishga tayyor.

O‘tgan mavsumda 25 yoshli Artur turinliklar safida 31 o‘yin o‘tkazib, bitta golli uzatmani amalga oshirgan.

28 yoshli Parti London klubi safida 26 o‘yinda maydonga tushib, 2 ta gol va 2 ta golli uzatmaga mualliflik qilgan.