"Derbi Kaunti" hujumchisi Malkolm Ebiovey Premyer-liganing bir qancha klublari e’tiborini tortdi. Daily Mail xabariga ko‘ra, 18 yoshli futbolchiga "Manchester Yunayted", "Nyukasl", "Tottenxem" va "Kristal Pelas" klublari qiziqish bildirishgan.
Futbolchining amaldagi shartnomasi 2022 yilning 30 iyuniga qadar tuzilgan. Transfermarkt portali futbolchining narxini 1 million yevroga baholamoqda.
Joriy mavsumda Ebiovey ligada 16 ta o‘yin o‘tkazib, 1 ta gol urdi va 2 ta golli uzatmani amalga oshirdi.
Shuningdek, u Premyer-liganing 7 ta uchrashuvida (18 yoshgacha bo‘lgan futbolchilar) 7 ta gol va 1 ta golli uzatmaga ega.













