Diario Sport nashrining xabariga ko‘ra, "Manchester Yunayted" shu yozda "Barselona" chap qanot himoyachisi Alexandro Baldeni sotib olishga qiziqish bildirmoqda.
Kataloniya grandi ispaniyalik futbolchi uchun 50 million yevrodan ortiq taklif tushsa, uni sotishga tayyor, biroq klub uni ketishga majburlamaydi.
Baldening o‘zi esa, formasida pasayish kuzatilganiga va Joau Kanseluning ajoyib o‘yini sababli maydondagi daqiqalari kamayganiga qaramay, "Kamp Nou"ni tark etish niyatida emas.
Baldening sotilishi "Barsa"ning moliyaviy holatini yaxshilashga va yozgi transfer oynasida ko‘zlangan maqsadlarga erishishga yordam beradi.
Xususan, Xulian Alvares va Alessandro Bastoni jamoaning yozdagi ustuvor maqsadlari sifatida belgilangan. "Barselona"ning moliyaviy cheklovlarini hisobga olsak, bunday yirik kelishuvlarni amalga oshirish uchun futbolchilarni sotish majburiy bo‘lib ko‘rinmoqda.
