Diario Sport нашрининг хабарига кўра, "Манчестер Юнайтед" шу ёзда "Барселона" чап қанот ҳимоячиси Алехандро Бальдени сотиб олишга қизиқиш билдирмоқда.
Каталония гранди испаниялик футболчи учун 50 миллион евродан ортиқ таклиф тушса, уни сотишга тайёр, бироқ клуб уни кетишга мажбурламайди.
Бальденинг ўзи эса, формасида пасайиш кузатилганига ва Жоау Канселунинг ажойиб ўйини сабабли майдондаги дақиқалари камайганига қарамай, "Камп Ноу"ни тарк этиш ниятида эмас.
Бальденинг сотилиши "Барса"нинг молиявий ҳолатини яхшилашга ва ёзги трансфер ойнасида кўзланган мақсадларга эришишга ёрдам беради.
Хусусан, Хулиан Альварес ва Алессандро Бастони жамоанинг ёздаги устувор мақсадлари сифатида белгиланган. "Барселона"нинг молиявий чекловларини ҳисобга олсак, бундай йирик келишувларни амалга ошириш учун футболчиларни сотиш мажбурий бўлиб кўринмоқда.
