«Liverpul» klubi sobiq futbolchisi Jeymi Karrager mersisaydliklar Yevropa chempionlar ligasi finalida «Real»ni mag‘lub etadi, deya hisoblamoqda.

«Joriy mavsumda men «Real» o‘yinlarini kuzatdim. Ularning Chempionlar ligasidagi mag‘lubiyatlari soni «Liverpul»ning butun mavsum davomida barcha musobaqalar doirasidagi mag‘lubiyatlaridan ko‘p bo‘ldi. «Madrid» – juda yaxshi jamoa, ammo ular «Manchester Siti» kabi zo‘r emaslar. Hatto, madridliklarning saviyasi «Chelsi» bilan ham teng emas. Ammo "Real" har ikki jamoaga qarshi o‘yinda g‘alaba qozonishdi.

Ular namoyish etgan ruhiyat va kambeklarga ikki tomondan qarash mumkin. Bu o‘yinlarda ularga omad juda ham kulib boqdi. Agar siz shunchalik zo‘r bo‘lsangiz, siz faqat o‘yin so‘nggiga kelibgina mag‘lubiyatdan chiqib ketadigan ahvolga tushib qolmaysiz.

«Manchester Siti» bu jamoani musobaqadan chiqarib yuborishi kerak edi. Masalan, "shaharliklar" o‘z uylarida "Real"ni 6?2 hisobida mag‘lub etishlari kerak edi.

Albatta, «Real» finalda g‘alaba qozonishi mumkin – bu bitta uchrashuv. Agar «Siti» yoki «Liverpul» to‘liq tarkib va to‘la kuch bilan «Madrid»ga qarshi bitta o‘yinda ishtirok etishsa, ular g‘alaba qozonishgan bo‘lardi. Bunga ishonchim komil», – dedi «Liverpul» klubi sobiq futbolchisi.