Futbol eksperti Gari Nevill Krishtianu Ronalduning borligi "Manchester Yunayted" futbolchilariga yomon ta’sir qilishini aytdi.

“Menimcha, Brunu unga cho‘qintirgan otadek qaraydi, shuning uchun u bu mavsumda biroz yomonroq o‘ynadi. Bu sardor sifatida Maguayrga ham ta’sir qildi" - dedi Nevill Sky Sports nashriga.

Mutaxassisning ta’kidlashicha, Ronalduning obro‘si futbolchilarga bosim o‘tkazmoqda va xususan, hujumchi Edinson Kavanini klubni tark etishga undagan.

"Kavaniga o‘tgan yozda qolib, jamoani boshqarishni iltimos qilishgandi, ammo ular Ronalduni qo‘lga kiritganlarida, Kavani uchun hamma narsa tugagan edi", - deya qo‘shimcha qildi Nevill.

Fernandesh joriy mavsumda APLda 36 ta o‘yinda maydonga tushib, 10 ta gol urdi va 6 ta golli uzatmani amalga oshirdi. O‘tgan mavsumda portugaliyalikning o‘yini yuqoriroq bo‘lib, 18 gol urgan va 12 golga assistentlik qilgan.