Angliya terma jamoasi va «Manchester Yunayted»ning sobiq futbolchisi Rio Ferdinand Krishtianu Ronalduning «mankunianliklar» safidagi o‘yini haqida o‘z fikrlari bilan o‘rtoqlashdi.
«Shaxsiy yutuqlarga kelsak, Ronaldu har doim bir xil ishini qilaveradi - u ko‘p gol uradi, yakka o‘zi jamoasi uchun g‘alaba qozonadi.
Menimcha, u oldiga qo‘yilgan vazifalarning barchasini uddalaydi. Ammo jamoa Chempionlar ligasiga chiqa olmadi. Bu har qanday buyuk o‘yinchini sheriklari qo‘llab-quvvatlashi kerakligini isbotlaydi», - deydi Rio.