Rossiyalik hujumchi Artyom Dzyuba katta ehtimol bilan faoliyatini Turkiyaning “Fenerbaxche” klubida davom ettiradi.
First sport telegram-kanalining xabar berishicha, 33 yoshli rossiyalik futbolchi jamoa bilan shaxsiy shartnoma shartlari bo‘yicha muzokaralarni boshlagan. Turkiyada faoliyatini davom ettirish variantidan tashqari, telegram kanal o‘z manbalariga tayanib, Dzyubaga RPL jamoasi qiziqish bildirayotgani haqida xabar berdi.
2021/22 yilgi mavsumda Dzyuba "Zenit" tarkibida to‘rt karra Rossiya chempioni bo‘ldi. May oyida futbolchi Sankt-Peterburg jamoasi bilan shartnomasini uzaytirmasligini ma’lum qilgan, shu bois erkin agentga aylangandi.