Birozdan so‘ng "Real" va "Liverpul" o‘rtasidagi YECHL final uchrashuvi bo‘lib o‘tadi ushbu bahs oldidan qiziqarli raqamlar bilan tanishing.

— “Real” YECHL/ECHK finali doirasida to‘rtinchi marta Parijda o‘ynaydi. Bundan avval “Reyms” (1956) va “Valensiya”ni (2000) yutgan bo‘lsa, “Liverpul”ga (1981) yutqazgan;

— Saloh joriy mavsum barcha musobaqalar doirasida 47 ta o‘yin o‘tkazib, 31 gol va 16 ta golli uzatma muallifiga aylandi. Benzema esa 59 o‘yinda 44 ta gol va 15 ta assistni o‘z hisobiga yozdirib qo‘ygan;

— “Real” YECHL/ECHKda so‘nggi bor 1981 yil Parij finalida “Liveprul”ga yutqazgan, shundan keyingi 7 ta final g‘alaba bilan tugagan;

— “Liverpul”ning YECHL finallaridagi so‘nggi mag‘lubiyati ham “Real”ga qarshi o‘yinda (2018 yil) bo‘lgan;

— “Real” eng nufuzli Yevrokubok musobaqasida o‘zining 17-finalini o‘tkazadi. Bunga qadar Madrid klubi 13 marta g‘oliblikni qo‘lga kiritgan. “Real” boy bergan finallar “Benfika”, “Inter” va “Liverpul”ga qarshi o‘tgan;

— “Qizillar” uchun bu 10-final bo‘ladi. “Liverpul” ularning oltitasida g‘alaba qozonib, titulni qo‘lga kiritgan, uchtasida esa imkoniyatni boy bergan;

— “Liverpul” qatorasiga beshta o‘yindan beri “Real”ni yengga olmayapti: 4 mag‘lubiyat, bir durang;

— Bu Anchelotti hayotidagi 8-final bo‘ladi (o‘yinchi va murabbiy sifatida). “Liverpul” 4-marta duch kelmoqda;

— “Liverpul” “Enfild”dan tashqarida bo‘lgan so‘nggi 15 ta o‘yinning 12 tasida g‘alaba qozondi.