Madridning "Real" klubi "Monako" yarim himoyachisi Orlyen Tchameniga qiziqish bildirmoqda, deya xabar bermoqda jurnalist Janluka Da Marsio.
Manbaga ko‘ra, Madrid klubi 22 yoshli fransiyalik uchun "Monako"ga 70 million yevro taklif qilgan.
Qayd etilishicha, monegasklar yarim himoyachi uchun 80 million yevro talab qilmoqda.
Avvalroq, futbolchi "Real" bilan 5 yillik shartnoma borasida kelishib olgani haqida xabarlar tarqalgan edi.
2021/22 yilgi mavsumda fransuz "Monako" safida barcha musobaqalarda 50 ta o‘yinda maydonga tushib, 5 ta gol urdi va 3 ta golli uzatmani amalga oshirdi.
Yarim himoyachining klub bilan shartnomasi 2024 yilning 30 iyuniga qadar mo‘ljallangan.