Мадриднинг "Реал" клуби "Монако" ярим ҳимоячиси Орльен Тчаменига қизиқиш билдирмоқда, дея хабар бермоқда журналист Жанлука Да Марцио.
Манбага кўра, Мадрид клуби 22 ёшли франциялик учун "Монако"га 70 миллион евро таклиф қилган.
Қайд этилишича, монегасклар ярим ҳимоячи учун 80 миллион евро талаб қилмоқда.
Аввалроқ, футболчи "Реал" билан 5 йиллик шартнома борасида келишиб олгани ҳақида хабарлар тарқалган эди.
2021/22 йилги мавсумда француз "Монако" сафида барча мусобақаларда 50 та ўйинда майдонга тушиб, 5 та гол урди ва 3 та голли узатмани амалга оширди.
Ярим ҳимоячининг клуб билан шартномаси 2024 йилнинг 30 июнига қадар мўлжалланган.