"Barselona" hujumchisi Usmon Dembele faoliyatini APLda davom ettirishi mumkin, deb yozadi Diario Sport. Futbolchining kataloniyaliklar bilan shartnomasi yozda yakuniga yetadi.
Manbaga ko‘ra, fransiyalik futbolchiga "Liverpul" va "Chelsi" klublari qiziqish bildirmoqda. Klublar futbolchini shu yozda tekinga o‘z safiga qo‘shib olmoqchi.
Mersisaydliklar hujumchi atrofidagilar bilan bog‘lanib, ehtimoliy transferni muhokama qilishgan.
Avvalroq Dembelega "PSJ" ham qiziqayotgan edi.
2021/22 yilgi mavsumda Usmon kataloniyaliklar safida barcha turnirlarda 32 ta o‘yinda maydonga tushib, 2 ta gol urdi va 13 ta golli uzatmani amalga oshirdi. Hujumchining klub bilan shartnomasi 2022 yilning 30 iyuniga qadar mo‘ljallangan.