"Барселона" ҳужумчиси Усмон Дембеле фаолиятини АПЛда давом эттириши мумкин, деб ёзади Diario Sport. Футболчининг каталонияликлар билан шартномаси ёзда якунига етади.
Манбага кўра, франциялик футболчига "Ливерпуль" ва "Челси" клублари қизиқиш билдирмоқда. Клублар футболчини шу ёзда текинга ўз сафига қўшиб олмоқчи.
Мерсисайдликлар ҳужумчи атрофидагилар билан боғланиб, эҳтимолий трансферни муҳокама қилишган.
Аввалроқ Дембелега "ПСЖ" ҳам қизиқаётган эди.
2021/22 йилги мавсумда Усмон каталонияликлар сафида барча турнирларда 32 та ўйинда майдонга тушиб, 2 та гол урди ва 13 та голли узатмани амалга оширди. Ҳужумчининг клуб билан шартномаси 2022 йилнинг 30 июнига қадар мўлжалланган.
