"PSJ" hujumchisi Neymar kelajakdagi rejalari haqida fikr bildirdi. Yozgi transfer oynasida braziliyalik vinger Parij klubini tark etishi mumkin.

“Mening ambisiyam doim bir xil: barcha mumkin bo‘lgan chempionlikni qo‘lga kiritish. "PSJ" bilan Chempionlar Ligasi? Balki. Mening klub bilan shartnomam bor, shuning uchun boshqa tanlov yo‘q", - deya Neymarning so‘zlarini keltiradi Canal +.

25 may kuni Neymar klubda qolmoqchi ekanligini ma’lum qildi. Hujumchi 2017 yilning yozida “Barselona”dan “PSJ”ga futbol tarixidagi rekord summa – 222 million yevro evaziga o‘tgan edi.

2021/22 yilgi mavsumda u parijliklar safida 28 uchrashuvda 13 ta gol urdi va 8 ta golli uzatmani amalga oshirdi. Uning klub bilan shartnomasi 2025 yilning 30 iyuniga qadar mo‘ljallangan.