"ПСЖ" ҳужумчиси Неймар келажакдаги режалари ҳақида фикр билдирди. Ёзги трансфер ойнасида бразилиялик вингер Париж клубини тарк этиши мумкин.
“Менинг амбициям доим бир хил: барча мумкин бўлган чемпионликни қўлга киритиш. "ПСЖ" билан Чемпионлар Лигаси? Балки. Менинг клуб билан шартномам бор, шунинг учун бошқа танлов йўқ", - дея Неймарнинг сўзларини келтиради Canal +.
25 май куни Неймар клубда қолмоқчи эканлигини маълум қилди. Ҳужумчи 2017 йилнинг ёзида “Барселона”дан “ПСЖ”га футбол тарихидаги рекорд сумма – 222 миллион евро эвазига ўтган эди.
2021/22 йилги мавсумда у парижликлар сафида 28 учрашувда 13 та гол урди ва 8 та голли узатмани амалга оширди. Унинг клуб билан шартномаси 2025 йилнинг 30 июнига қадар мўлжалланган.
