"Sevilya" markaziy himoyachisi Jyul Kundening kelajagi noaniqligicha qolmoqda.
Jurnalist Fabrisio Romanoning yozishicha, ayni damda yosh futbolchini qo‘lga kiritish uchun kurashda o‘tgan yozda uni sotib olishga uringan Londonning "Chelsi" klubi yetakchilik qilmoqda.
Manbaga ko‘ra, unga "Barselona" ham jiddiy qiziqish bildirmoqda, biroq ularning moliyaviy ahvoli og‘ir.
Qayd etilishicha, “Sevilya” bilan muzokaralar qiyin kechadi.
Avvalroq, Kataloniya klubi Kunde uchun ikki nafar futbolchisini va ma’lum miqdorda pul taklif qilmoqchi ekani haqida xabar berilgandi.
