"Севилья" марказий ҳимоячиси Жюл Кунденинг келажаги ноаниқлигича қолмоқда.

Журналист Фабрицио Романонинг ёзишича, айни дамда ёш футболчини қўлга киритиш учун курашда ўтган ёзда уни сотиб олишга уринган Лондоннинг "Челси" клуби етакчилик қилмоқда.

Манбага кўра, унга "Барселона" ҳам жиддий қизиқиш билдирмоқда, бироқ уларнинг молиявий аҳволи оғир.

Қайд этилишича, “Севилья” билан музокаралар қийин кечади.

Аввалроқ, Каталония клуби Кунде учун икки нафар футболчисини ва маълум миқдорда пул таклиф қилмоқчи экани ҳақида хабар берилганди.