Avval xabar berganimizdek, “Bunyodkor” akademiyasining uchta yosh toifasidagi jamoalari Xorvatiyaning to‘rt shahrida bo‘lib o‘tadigan an’anaviy “Dalmatinko cup” xalqaro musobaqasida ishtirok etadi. Bolalar va qizlar o‘rtasidagi xalqaro turnirda 9 ta yosh toifasidagi 200 ga yaqin jamoa 3500 dan ziyod futbolchi qatnashadi.
Ularning orasida “qaldirg‘ochlar” ham borligi e’tiborga molik. 2-5 iyun kunlari o‘tkaziladigan musobaqada Miraziz Mirzaahmedov (2008 yil), Alisher Ibrohimov (2009 yil) va G‘ulom Halimtoyev (2011 yil) ustozligidagi tarbiyalanuvchilarimiz mamlakatimiz sha’nini himoya qiladi. Quyidagi suratlarda jamoalarimizning guruhdoshlari bilan tanishishingiz mumkin.
