Jennaro Gattuzo Ispaniyaning “Valensiya” klubi bosh murabbiyi bo‘lishi mumkin. Sport.es xabariga ko‘ra, klub unga yana bir mavsum uzaytirish imkoniyati bilan 2024 yilgacha mo‘ljallangan shartnoma taklif qilmoqda.
Gattuzo o‘tgan yozda "Fiorentina" bilan shartnoma imzolagan, biroq rahbariyat bilan transfer strategiyasi borasida kelishmovchiliklar tufayli klubda bor-yo‘g‘i ikki hafta ishlagan.
"Valensiya" o‘tgan mavsumda 38 turdan keyin 48 ochko to‘plagan holda Ligada 9-o‘rinni egalladi. "Ko‘rshapalaklar"ning amaldagi murabbiyi Xose Bordolas hisoblanadi.
