"Barselona" futbol klubi keng omma uchun futbol o‘yinlarini o‘tkazish maqsadida shu oyning 6-13 kunlari orasida "Kamp Nou" stadionining ochilishini e’lon qildi.

Stadionni bir soatlik ijara narxi bir kishi uchun 300 yevroni tashkil etadi. Bir guruh odamlar stadionni bron qilishlari yoki individual ravishda ijaraga olishlari mumkin. Stadion o‘yinlarni tashkil qilish bilan shug‘ullanadi, qoida bo‘yicha har bir jamoa 18 kishidan iborat bo‘ladi.

Har bir inson 15 kishigacha bo‘lgan do‘stlari yoki qarindoshlarini tribunadan tomosha qilish uchun taklif qilishi mumkin. Tomoshabinlar uchun kirish narhi 30 yevroga teng. 

Klub har bir jamoa uchun murabbiy, shuningdek, uchrashuvlar uchun hakam va jarohat olgan taqdirda tibbiy xodimlar bilan ta’minlaydi.

Bu ikki jamoaning barcha futbolchilari tribunaga 15 nafar mehmonni taklif qiladi deb hisoblasak, klub soatiga maksimal 27 000 yevro ishlab topishi mumkin.