"Барселона" футбол клуби кенг омма учун футбол ўйинларини ўтказиш мақсадида шу ойнинг 6-13 кунлари орасида "Камп Ноу" стадионининг очилишини эълон қилди.
Стадионни бир соатлик ижара нархи бир киши учун 300 еврони ташкил этади. Бир гуруҳ одамлар стадионни брон қилишлари ёки индивидуал равишда ижарага олишлари мумкин. Стадион ўйинларни ташкил қилиш билан шуғулланади, қоида бўйича ҳар бир жамоа 18 кишидан иборат бўлади.
Ҳар бир инсон 15 кишигача бўлган дўстлари ёки қариндошларини трибунадан томоша қилиш учун таклиф қилиши мумкин. Томошабинлар учун кириш нарҳи 30 еврога тенг.
Клуб ҳар бир жамоа учун мураббий, шунингдек, учрашувлар учун ҳакам ва жароҳат олган тақдирда тиббий ходимлар билан таъминлайди.
Бу икки жамоанинг барча футболчилари трибунага 15 нафар меҳмонни таклиф қилади деб ҳисобласак, клуб соатига максимал 27 000 евро ишлаб топиши мумкин.
