Portugaliya terma jamoasi hujumchisi Andre Silva Millatlar ligasi doirasidagi Ispaniyaga qarshi o‘yindagi durang (1:1) haqida fikr bildirdi.
“Yaxshi jamoa bilan yaxshi durang, garchi biz uchrashuv davomida tashabbusni raqibga bergan bo‘lsak ham. Bu Portugaliya uchun yaxshi natija. Yuqori pressing va o‘yinni nazorat qiladigan kuchli jamoaga qarshi qiyin o‘yin bo‘ldi. Ispaniyaga qarshi o‘ynash har doim qiyin. Biz nimadir yaratish uchun to‘p bilan yaxshiroq o‘ynashimiz kerakligini bilardik. Yakunda biz xohlagan maqsadimizga erishdik", - deya Silvaning so‘zlaridan iqtibos keltirdi UYEFA matbuot xizmati.
Portugaliyaning navbatdagi raqibi Shveysariya bo‘ladi. O‘yin 5 iyun kuni bo‘lib o‘tadi va Toshkent vaqti bilan soat 23.45da boshlanadi.