Португалия терма жамоаси ҳужумчиси Андре Силва Миллатлар лигаси доирасидаги Испанияга қарши ўйиндаги дуранг (1:1) ҳақида фикр билдирди.
“Яхши жамоа билан яхши дуранг, гарчи биз учрашув давомида ташаббусни рақибга берган бўлсак ҳам. Бу Португалия учун яхши натижа. Юқори прессинг ва ўйинни назорат қиладиган кучли жамоага қарши қийин ўйин бўлди. Испанияга қарши ўйнаш ҳар доим қийин. Биз нимадир яратиш учун тўп билан яхшироқ ўйнашимиз кераклигини билардик. Якунда биз хоҳлаган мақсадимизга эришдик", - дея Силванинг сўзларидан иқтибос келтирди УЕФА матбуот хизмати.
Португалиянинг навбатдаги рақиби Швейцария бўлади. Ўйин 5 июнь куни бўлиб ўтади ва Тошкент вақти билан соат 23.45да бошланади.