"Bavariya"da qolishni istamayotgan germaniyalik vinger Serj Gnabri hamon "Real Madrid" qiziqishlari doirasida.
AS xabariga ko‘ra, futbolchi "Real Madrid"ning hujum chizig‘ini kuchaytirish variantlaridan biridir. "Qirollik klubi" Gnabri va "Bavariya" o‘rtasidagi muzokaralardagi buzilishdan unumli foydalanib, futbolchini shu yozda sotib olmoqchi.
Gnabrining nemis giganti bilan amaldagi shartnomasi kelasi yozda tugaydi. Transfermarkt ekspertlari uning qiymatini 70 million yevroga baholamoqda.
Serj o‘tgan mavsumda Bundesligada 34 ta o‘yinda maydonga tushib, 14 ta gol urdi.