"Manchester Yunayted" hujumchisi Krishtianu Ronaldu Erik ten Xag boshchiligidagi klub kelasi mavsumda sovrin yuta olishiga umid bildirdi.
"Men ten Xagga eng yaxshi tilaklarimni tilayman. Umid qilamanki, keyingi mavsumda biz nihoyat sovrinlarni yutamiz. O‘yinchilar oldinga siljishi kerak. Ko‘ramiz, kelajakda nima bo‘ladi", - deya Ronalduning so‘zlarini keltiradi "Manchester Yunayted" rasmiy sayti.
Eslatib o‘tamiz, Ronaldu o‘tgan yozda Turinning "Yuventus" klubidan "Manchester Yunayted"ga qaytgan edi. Portugaliyalik futbolchi o‘tgan mavsumda Premyer-ligada 18 ta gol urishga muvaffaq bo‘ldi.