"Tottenxem" jamoa vingeri Stiven Bergveynni sotishga tayyor.

London klubi 24 yoshli futbolchining transferi uchun 25 million yevrogacha pul talab qilmoqda.

Xabar qilinishicha, futbolchi JCH-2022 oldidan muntazam o‘yin amaliyotiga ega bo‘lish uchun "Ayaks"ga o‘tmoqchi.

Biroq Niderlandiya jamoasining takliflari hali 20 million yevrodan oshmadi.

"Shporlar" Bergveynni PSV'dan 2020 yilning qishida 32 million yevro va bonuslar evaziga sotib olgandi.

U o‘tgan mavsumda APLda 25 ta o‘yinda maydonga tushib, 3 ta gol urishga erishdi.