"Roma" yozda yarim himoyachi Nikolo Dzanyolo bilan xayrlashmoqchi, deb xabar beradi Sky Sports Italia. 22 yoshli futbolchi transferga qo‘yildi.
Futbolchining o‘zi "Yuventus" yoki "Milan"ga o‘tishni xohlaydi, ammo "Roma" uning xorijga ketishini afzal ko‘radi.
Taxminlarga ko‘ra, italiyalikning transferi "bo‘rilar"ga 55 million yevroga yaqin daromad keltirishi mumkin.
Dzanyoloning o‘zi A Seriyani tark etishni istamayapti, garchi unga Angliya Premyer-ligasi klublari qiziqish bildirayotgan bo‘lsa ham.
O‘tgan mavsumda Nikolo "Roma" safida barcha musobaqalarda 42 ta o‘yinda maydonga tushib, 8 ta gol urdi va 9 ta golga assistentlik qildi.
Yarim himoyachining Rim klubi bilan shartnomasi 2024 yilning 30 iyuniga qadar amal qiladi.
